32.8 C
Kerala

‘സ്പെഷ്യൽ വൺ’ പിൻവലിച്ച കളിക്കാരന് പകരം ഇറക്കാതെ 10 പേരെ കളിപ്പിച്ച് മൗറീഞ്ഞോ!!

Array

Published:

- Advertisement -

‘സ്പെഷ്യൽ വൺ’ എന്ന് വേണം ജോസ് മൗറീഞ്ഞോയുടെ മികച്ച പരിശീലക ജീവിതത്തെ വിശേഷിപ്പിക്കാൻ. കാരണം, ഫുട്ബോളിൽ ഒരു ചർച്ച സൃഷ്ടിക്കേണ്ടത് എങ്ങനെയാണ് എന്ന് കൃത്യമായി മൗറീഞ്ഞോയ്ക്ക് അറിയാം. മത്സരത്തിൽ ഒരു ഫുട്ബോൾ താരത്തെ കുറച്ച് കളിപ്പിച്ചതാണ് ഇത്തവണയും അദ്ദേഹം ചർച്ചയിൽ എത്തിച്ചിരിക്കുന്നത്. ഇത്തരമൊരു സംഭവം മനഃപൂർവം ചെയ്തതാണെന്നാണ് ഇറ്റാലിയൻ ക്ലബ് എഎസ് റോമയുടെ നിലവിലെ പരിശീലകന്റെ അഭിപ്രായം. കൂടാതെ, മത്സരത്തിൽ അൽബേനിയൻ ക്ലബ്ബായ പാർട്ടിസാനി ടിറാനയെ 2-1ന് റോമ പരാജയപ്പെടുത്തുകയും ചെയ്തു.

പുതിയ സീസൺ ആരംഭിക്കുന്നതിന് മുന്നോടിയായുള്ള തങ്ങളുടെ അവസാനത്തെ സൗഹൃദ മത്സരമായിരുന്നു എഎസ് റോമ പാർട്ടിസാനി ടിറാനയോട് കളിച്ചത്. മത്സരഫലം അത്ര പ്രധാനമല്ലാത്തതിനാൽ, ടീം കോമ്പിനേഷൻ ക്രമീകരിക്കുന്നതിനും കളിക്കാരെ ഇത്തരത്തിലുള്ള ഗെയിമിൽ താളത്തിലേക്ക് തിരികെ കൊണ്ടുവരുന്നതിനുമുള്ള പ്രക്രിയയാണ് പരിശീലകർ സാധാരണയായി പിന്തുടരുന്നത്. എന്നാൽ, ഇത്തരമൊരു അപ്രധാന മത്സരത്തിലാണ് മൗറീഞ്ഞോയുടെ ഈ ചർച്ചാ വിഷയം. 79-ആം മിനിറ്റിലാണ് സംഭവം. റോമയുടെ അൾജീരിയൻ ഫുട്ബോൾ താരം ഹൗസം ഔവാറിനെ മൗറീഞ്ഞോ പിൻവലിച്ചു. പകരം ആരെയും കളത്തിലേക്ക് കൊണ്ടുവന്നില്ല.

- Advertisement -
Image Source: Twitter

എന്നാൽ ഇതിനെക്കുറിച്ച് സ്പാനിഷ് മാധ്യമമായ ‘കൊറിയേർ ഡെല്ലോ സ്‌പോർട്ട്’ മൗറീഞ്ഞോയുടെ തീരുമാനത്തിന് രണ്ട് വിശദീകരണങ്ങൾ നൽകി. അൾജീരിയൻ ഫുട്ബോൾ താരം ഔവാറിനെ പരിക്കുകളില്ലാതെ നിലനിർത്താനാണ് കോച്ച് ഇത്തരത്തിലൊരു തീരുമാനം എടുത്തെതെന്നാണ് ആദ്യത്തേത്. 25 കാരനായ ഫുട്ബോൾ താരത്തിന് കഴിഞ്ഞ സീസണിൽ ലിയോണിനായി കളിക്കുന്നതിനിടെ നാല് പരിക്കുകൾ പറ്റിയിരുന്നു. ഇതോടെ സീസണിൽ ആകെ 10 മത്സരങ്ങൾ കളിക്കാനായില്ല. അതിനാൽ, അടിസ്ഥാനപരമായി ഔവാറിന് വീണ്ടും പരിക്കേൽക്കില്ലെന്ന് ഉറപ്പാക്കാനാണ് ഇത്തരമൊരു നീക്കം.

പാർടിസാനിയുടെ പരിശീലകൻ സോറൻ ഡിസിച്ച് ഇതിനകം പിൻവലിച്ച ഒരു കളിക്കാരനെ മാറ്റാൻ ശ്രമിച്ചെങ്കിലും റഫറി അനുവദിച്ചില്ല. ഇതോടെ അൽബേനിയൻ ക്ലബ്ബിന് 10 പേരുമായി കളിക്കേണ്ടി വന്നു. എതിർ ടീമുമായി തുല്യത നിലനിർത്താൻ വേണ്ടിയാണ് മൗറീഞ്ഞോ ഇങ്ങനെ ചെയ്തത് എന്നാണ് രണ്ടാമത്തെ കാരണമായി പറയപ്പെടുന്നത്. എന്നാൽ മൗറീഞ്ഞോയെ സംബന്ധിച്ച് ഇതൊക്കെ സാധാരണമാണ് എന്നാണ് ഫുട്ബോൾ പ്രേമികളുടെ അഭിപ്രായം.

https://twitter.com/Jmshow10_/status/1690463153690198016
- Advertisement -

Related articles

Recent articles